თიბისი სტატუსის
საქველმოქმედო პლატფორმა

მიიღეთ მონაწილეობა ისეთი პროექტების, ორგანიზაციების
თუ ადამიანების წარმატებაში, რომლებსაც მხარდაჭერა
ესაჭიროებათ.

ახალი ისტორიები

თამაში „აფორიზმობანა“ უსინათლოთათვის

უსინათლოთათვის ადაპტირებული თამაშები საქართველოში ნაკლებადაა ხელმისაწვდომი.

ჩვენი „აფორიზმობანას“ თამაში კი ყველას შეეძლება, რადგან ბარათებზე გამოყენებული იქნება როგორც ჩვეულებრივი, ასევე ბრაელის შრიფტი.

თამაშის დამზადების შემთხვევაში, საქართველოში მცხოვრები უსინათლო ბავშვების 300-მდე ოჯახი დასაჩუქრდება.

ერთად ვაჩუქოთ თამაშის შესაძლებლობა ბავშვებს.

3306 ლარი 6000 ლარი
6000 ლარი
დახურვა
უსინათლო მხატვარი - გიორგი ქობელაშვილი

გიორგი ქობელაშვილი პროფესიონალი მხატვარია. მხედველობის დაკარგვის მიუხედავად, მან საყვარელ საქმიანობას თავი არ დაანება. ხატვის საკუთარი მეთოდით შექმნილი ნამუშევრები ექსპრესიულობით გამოირჩევა.

დღეს ის ახალი ნახატების სერიას ქმნის იმისთვის, რომ თავისი შემოქმედება ვარშავაში წარადგინოს.

მისი შემოქმედება დიდი სტიმულის მიმცემია სხვებისთვის.

ერთად გავხდეთ გიორგის წარმატების თანამონაწილეები.

12.04.2017
დაფინანსებულია თიბისი სტატუსის მიერ
ჯგუფი Four Lines ქუთაისიდან

მუსიკალური ჯგუფი Four Lines ოთხი მეგობრისგან შედგება. მათი ისტორია ქუთაისის ერთ-ერთ ბარში დაიწყო, სადაც ჰოლანდიელმა ტურისტმა აღმოაჩინა და პირველი ალბომის დაფინანსება შესთავაზა.

გოგონები ექსპერიმენტულ მუსიკას უკრავენ, რაც სხვადასხვა ჟანრის სინთეზის შედეგად მიიღება.

ჯგუფი Four Lines მიწვეულია ევროპის ერთ-ერთ ყველაზე მასშტაბურ ქალაქის ფესტივალზე - ტალინის მუსიკის კვირეულზე.

ერთად გავხდეთ ამ წარმატების თანამონაწილეები.

29.03.2017
დაფინანსებულია თიბისი სტატუსის მიერ
თბილისის ზოოპარკის ახალი ბინადარი

თბილისის ზოოპარკში წყალდიდობის შემდეგ პირველი ვეფხვი დაბინავდება. პროექტი statusdonates.ge-ს მხარდაჭერით განხორციელდება.  

ზოოპარკის ახალ ბინადარს სახელს ბავშვები შეურჩევენ.

04.04.2017
დაფინანსებულია თიბისი სტატუსის მიერ
ვირტუოზი პიანისტი ახალქალაქიდან

10 წლის ანაჰიტს განსაკუთრებული საფორტეპიანო მონაცემები აქვს. მან ნოტები ჯერ კარგად არც იცის, მისთვის საყვარელ კლასიკასა და ჯაზს სმენით უკრავს. ელისო ბოლქვაძის აზრით, გოგონას იშვიათი მუსიკალური ნიჭი გააჩნია და ხელშეწყობა ჭირდება.

ანაჰიტ მიწვეულია პარიზში, ცნობილი პედაგოგის და მეთოდოლოგის, მიშელ სონის მიერ, 2017 წლის მარტის ბოლოს.

ერთად მივცეთ პატარა ვირტუოზს განვითარების საშუალება.

14.03.2017
დაფინანსებულია თქვენ მიერ
ქართული ანიმაცია საერთაშორისო ასპარეზზე

27 წლის ანა ჩუბინიძე პირველი ქართულ-ფრანგული ანიმაციური ფილმის „ჯიბის კაცის“ (The Pocket Man) ავტორია. ნამუშევარი ერთ-ერთ ყველაზე პრესტიჟულ საბავშვო ფილმების ფესტივალში,  New York International Children's Film Festival მონაწილეობს. ფესტივალში 2500 განაცხადიდან მხოლოდ 100 ფილმმა მოიპოვა მონაწილეობის უფლება.

ანა პირველი ქართველია, ვისი პროექტიც ფესტივალის ფინალისტებს შორის მოხვდა.

ერთად მივცეთ ანას თავისი ნამუშევრის მსოფლიო პრემიერაზე დასწრების შესაძლებლობა.

14.03.2017
დაფინანსებულია თქვენ მიერ
ძეგვის თავშესაფრის აღდგენა

სოფელ ძეგვში მდებარე სარეაბილიტაციო ცენტრში, 78 ადამიანი ცხოვრობს, მათგან 15 მცირეწლოვანი ბავშვია.

მზრუნველობას მოკლებული ბავშვებისთვის, მოხუცებისთვის და შეზღუდული შესაძლებლობებისმქონე პირებისთვის ძეგვის თავშესაფარი 1995 წლიდან ფუნქციონირებს. ის შემოწირულობებით არსებობს, რაც ხშირად არასაკმარისია და თავშესაფრის ბენეფიციარებს რთულ პირობებთან უწევთ გამკლავება.

ამჟამად კრიტიკულად მნიშვნელოვანი პრობლემის წინაშე დგანან - სჭირდებათ შენობის რეაბილიტაცია, სადაც შეიძლება განთავსდეს სივრცეები შრომითი თერაპიისთვის, ფსიქოლოგის კაბინეტი, სპორტულ-გამაჯანსაღებელი დარბაზი, ოთახები სასწავლო პროგრამებისთვის

20.12.2016
დაფინანსებულია თიბისი სტატუსის მიერ
გამომგონებელი მოსწავლეები

ხელოვნური ინტელექტი, მზის ენერგიის გამოყენების ინოვაციური ტექნოლოგიები, „ცოცხალი“ საკვები, „გონიერი ავზი“ და ბევრი სხვა საინტერესო გამოგონება ქართველ სკოლის მოსწავლეებს ეკუთვნით.

ყველაზე ნიჭიერი, მოსწავლე გამომგონებლები წელს უკვე მეექვსედ გამოავლინა კონკურსმა „ლეონარდო და ვინჩი“. კონკურსი „შოთა რუსთაველის ეროვნული სამეცნიერო ფონდის“ ორგანიზებით და თიბისი ბანკის მხარდაჭერით ჩატარდა.

კონკურსს ორი მიმართულება აქვს: სამეცნიერო კვლევები და საინჟინრო ტექნოლოგიები. წარდგენილი საკონკურსო განაცხადები შემდეგ სამეცნიერო მიმართულებებს მოიცავდა: საინჟინრო მექანიკა, რობოტიქსი და ინტელექტუალური მანქანები, ფიზიკა და ასტრონომია, გარემოსდაცვითი ინჟინერია, დედამიწისა და გარემოსდაცვითი მეცნიერებები, ქიმია, ბიოლოგია, ბიოსამეციცინო და ჯანდაცვის მეცნიერებები, დანერგილი სისტემები და სხვა.

კონკურსის მიზანია მეცნიერების პოპულარიზაცია, სამეცნიერო სფეროში ახალგაზრდა კადრების მოზიდვა, სამეცნიერო მიმართულებებით მოზარდების ჯერ კიდევ სკოლის ასაკიდან დაინტერესება.

კონკურსში გამარჯვებულ 10 მოსწავლეს თიბისი სტატუსის სახელობის ერთწლიანი სტიპენდია დაენიშნებათ.

20.12.2016
დაფინანსებულია თიბისი სტატუსის მიერ
CES

შემოქმედებითი განათლების სტუდია წარმოადგენს დიზაინის, აუდიო-ვიდეო და მუსიკის შემოქმედებით მედია სკოლას.

CES-ი მსურველებს სთავაზობს მოკლე და ხანგრძლივ კურსებს, სადაც ნიჭიერ და შემოქმედებით ადამიანებს საშუალება აქვთ მიიღონ პროფესიონალური ცოდნა დიზაინისა და მუსიკის მედია სფეროებში.

აქ შეგიძლიათ ისწავლოთ გრაფიკურლი დიზაინი, ვებ-დიზაინი, ხმის ინჟინერია, ელექტრონული მუსიკის წარმოება, დიჯეი კურსი , მუსიკის თეორია, ვიდეო მონტაჟი, კინოსარეჟირო კურსი, გიტარის საბაზისო კურსი და სხვ. თიბისი სტატუსის სახელით CES-ი უახლეს აუდიო სისტემას შეიძენს, რაც სტუდენტებს უნიკალურ შესაძლებლობებს მისცემს, რომ ამ სფეროში მსოფლიო სტანდარტების განათლება მიიღონ.

20.12.2016
დაფინანსებულია თიბისი სტატუსის მიერ